Canadap Danmark suleqatiseraa
Immap naqqata assinganik pilersitsoqarnissaa Canadamit pingaartinneqarluinnassasoq Canadap pinngortitaq pillugu ministeria, Gary Lunn isumaqarpoq, Issittup imartaani uuliamik gassimillu piiaasoqalissappat tamatuma akisussaassuseqartumik ingerlanneqarnissaa anguneqassasoq, Gary Lunn aviisimut The Vancouver Sunimut oqarpoq.
Allattoq Louise M. Kleemann
apriilip 22-at 2008 08:14
Ilisimatuut suliaat pilersaarutit naapertorlugit ingerlassassappata ukioq 2013-imi naammassisimanissaat ilimagineqarpoq.
Naalagaaffiit Peqatigiit Immat atorneqarnerat pillugu isumaqatigiissutaat naapertorlugu suliaq ingerlavoq, Canadamiullu sinnerlugit aqutsisuuvoq Jacob Verhoef. Immap naqqata assinganik pilersitsiniarnermi Danmarkip suleqatiserineqarnissaa taassuma pingaartippaa, Danmarkimi Canadalu immap naqqata assinganik pilersitsisoqarnissaa pingaartikkamikku:
- Angusarissaassagutta suleqatigiittariaqarpugut, paasissutissallu ilisimatuunit katersorneqartut tunngavigalugit Naalagaaffiit Peqatigiinnut saaffiginnissinnaavugut, periarfissagissaarnerusinnaallutalu, Jacob Verhoef oqarpoq.
