Canadap avannaani dinosaurit
Isit bowlinngerutitut angitigisut, avaleraalu ishockey-rutitut angitigisut, tassaavoq imaani uumasuusimasut ilaat ujarannguunnikkoq, taamatut isikkullik Canada-p avannarpasissuani Melvile-p qeqertaani ilisimatuunit nassaarineqartut kingulliit taamatut isikkoqartoq.
Toronto-mi aviisi taama oqaluttuarpoq.
Ichthyosauer-imik taaguuteqartinneqarpoq, ukiullu 100-200 millionit matuma siorna avannaarsuani imaani uumasuusimavoq. Aatsaat siullerpaamik dinosaurinik taamaattumik ujarannguussimasumik nassaartoqarpoq. Siornatigut Asiami Europami Amerkamilu avannarlermi taamaattunik nassaartoqartarpoq.
Immap uumasorisimasai taamaattut naliginnaasumik 15 miitierisut anigitigilertarsimapput, ukuali kingulliit nassaarineqartut ichthyosauer-it 4 meterit missaannaanik angissuseqarput.
McGill University-meersoq ilisimatooq Hans Larsson oqarpoq uumasut taakkua immap naqqani 1 kilometerisut ititigisumiittarsimammata, iserujussuaqarsimasut.
Ilisimattuut aamma kuukoorianik slanginillu ujarannguunnikunik nassaarsimapput, taakkualu misissoqqissaarneqarnissaat anguniarlugit, McGill University-mut Montrealiliaanneqarsimapput.
