Canadap aalisarnermut ministeria tunuartoq
Inuttut ajornartorsiuteqarnini pillugu ministeritut tunuarniuteqarnini, Tootoop nammineq nalunaarutigaa, ajornartorsiutiminut atatillugu katsorsarneqarnissani pillugu tunuarniuteqarpoq, sunarpiarli pillugu katsorsarneqarnissani oqaatiginagu.
Hunter Tootoo 52-inik ukioqarpoq, naggueqatigiit Inunneerluni, Nunavummilu Kangerlinermeersuulluni.
Canadami inatsisartunut siorna ukiakkut qinersisoqarmat Leona Aglukark ajugaaffigaa, Justin Trudeaullu ministeriuninngornerani aalisarnermut ministeritut inissilluni.
Nunap inoqqaavisa akornanni imminut toquttorpassuit pillugit oqallinnermut aamma akuulluinnarpoq, Justin Trudeaullu USA-mut pisortatigoortumik ukiup massuma ingerlanerani tikeraarneranut peqataanermini Det Hvide Husimut qaaqqusaanermini qilerniusamik puisip amianeersumik atugaqarnini aamma ilisimaneqaatigalugu.
Imigassamik aalakoornartortalimmik, ikiaroornartumilluunniit, aningaasanoornermilluunniit ajornartorsiuteqarnini pillugu katsorsarneqarnissani ministeritut tunuarniutigineraa Tootoop nammineq nalunaarutiginngilaa.
- Pinngitsoorsinnaanngisannut katsorsarneqarnissara nammineq aalajangerpara, akornusersorneqannginnissarpullu kissaatigaarput, Hunter Tootoo, tusagassiuutinut nalunaarummi taama ilaatigut allaaserisaqarpoq.
