Canadamiut Tasiilap eqqaani nikkilisiorput

Canadamiut aatsitassarsiorfiat Inco nikkilisiornermi nunarsuarmi annerpaaq, nikkilimik Tasiilap eqqaani ujarlernermik ulluni makkunani ingerlatsileruttorpoq.

Dr. Anders Lee Nuna Mineralsimi siunnersortaasoq sapaatit akunnera ataaseq missaa Tasiilameeqqammerpoq, Inco ikioriartorlugu.

Nassaariniakkat ilisimaneqareersut qilleriffigalugit ulluni makkunanerpiaq ingerlatsisoqaruttulerpoq, Anders Lee radioaviisimut oqarpoq.

Ammassallip qeqertaa nassaarfiusinnaasutut piukkullugu aatsitassarsiorfissuaq misissuinermik ingerlatsivoq.

Aatsitassanik ujarlernermut atatillugu sumiiffimmi angallannikkut kiffartuunneqarnikkut allatigullu pitsaasuunissaa assut pingaaruteqarpoq, pingaartumik siunissaq eqqarsaatigalugu siunniussaqarluni pigaan-ni.

Sumiiffinni ikittuaqqani Tasiilap eqqaani angallannikkut kiffartuunneqarnernikkullu periarfissat pitsaasut piupput.

Tassalu ujarlerfiup qanittuani illoqarfeqarpoq, entreprenørinik pisariaqartitanik peqarpoq, sanasut, ataatsimut isigalugu ajunngitsut, Anders Lee radioaviisi-mut oqarpoq.

Siunissamullu eqqarsaraanni imarpikkoortaatinut talittarfeqarneq, timmisartunut mittarfeqarneq, napparsimaveqarnerlu aamma ujaasiffimmit qanittuupput.