Canadamiut suliffeqarfiutaat qullartaasiat atorlugit assartuisalerniarpoq

Canadamiut suliffeqarfiat SkyHook International issittumi assartuinermi atorneqarsinnaasunik qullartaasianik ineriartortitsisimavoq.
Allattoq Elisa Isaksen
novembarip 23-at 2009 06:02

Qullartaasiat motorillit Sikuiuitsup Avannarliup suliffissuaqarnikkut ineriartortinneqarnissaanut atorluarneqarsinnaassagatippaat.

Sermip aakkiartornera ilutigalugu Sikuiuitsup Avannarliup misissuiffigineqarnissaanik soqutiginninneq alliartuinnarpoq. Taamaattorli tamatuma peqatigisaanik nunarsuup ilaani maani aqqusineqarpianngitsumi, umiarsualiveqarpianngitsumi mittarfeqarpianngitsumilu, misissuiniarnermi assartuinermut avatangiisinullu atatillugu, soorlu CO2-mut aningaasartuuterpassuarnik nassataqartarpoq. Assartugassat inuilaarsuarnut assartorniarnerini kilometerit kingulliit tallimat, kilometerinut siullernut 2.000-itulli akisutigisinnaasarput. Taamaattumik qullartaasiat motorillit aaqqiissutaasinnaassasut, Canadamiut suliffeqarfianni SkyHook International-imi isumaqartoqarpoq.

Timmisartuliorfik Boeing suleqatigalugu qullartaasiaq siulleq 2014-imi qullartinneqarsinnaassasoq naatsorsuutigineqarpoq.

Qullartaasiap pitsaaqutigaa, qulimiguulinnit assartugassanik oqimaatsunik, suliffeqarfinnut tikikkuminaatsuniittunut assartuinermi atorneqartartunit, ikummatissamik atuinikinnerugamik.

- Assartugassanik oqimaatsunik annertuunik, soorlu aatsitassanik ujaasinermi atugassanik, qullartaasianik assartuisinnaaneq sipaarfiusinnaasorujussuusoq isumaqarpunga, tassami ullutsinni qulimiguullit aningaasartuutaasaqisut atorneqartarmata, Nunaoilimi pisortaq Hans Kristian Olsen, atuagassiamut Ingeniørenimut oqarpoq.