Canadamiut qaammataasanik marlunnik avataarsualiartitsiniarput
Qaammataasat marluk avataarsualiartinneqarnerisigut tamanna anguneqarsinnaassaaq, piviusunngortinneqarsinnaanersorlu maanna misissorneqaleruttorluni.
CBC Northip nittartagaani tamanna atuarneqarsinnaavoq.
Pilersaarutit akuersaarneqassappata, qaammataasat 2016-ip missaani Canadamit avataarsualiartinneqarsinnaassapput.
- Qaammataasat maanna atorneqartut Ækvatori qulaallugu Nunarsuaq kaajallattarpaat, Nunarsuullu avannarpasinnerusortaani kujasissortaaniluunniit innuttanit atorneqarsinnaagaluarlutik tamakkiisumik atorneqarsinnaanatik, Gilles Leclerc, Canadami avataarsualiartitseqatigiiffiup pisortaa, CBC-mut oqarpoq.
- Qaammataasat taakku marluk avataarsualiartinneqarpata, oqarasuaatit angallattakkat qaammataasallu aqqutigalugit oqarasuaatititigut attaveqaatit Issittumi pitsaanerulersinnaassapput, avataarsualiartitseqatigiiffiup pisortaa oqarpoq.