Asseq toqqorsivimmitAssi: Remy Jensen

Canadamiut puisinniaqqittalerusuttut

Canadap kitaani Vancouverimi kattuffik massakkut misissuisitsiniarpoq Manerassuarmi aningaasarsiutigalugu puisinniartoqarsinnaaneranik aallartitsisoqarsinnaanersoq.

 

The Pacific Balance Pinnipeds Society tassaavoq suleqatigiiffik aalisartut, nunap inoqqaavi aamma inuussutissarsiornermik ingerlatsisut eqimattanngorlutik nunap ilaata British Columbiap sineriaani aningaasarsiutigalugu puisinniarnermik aallarniiniartut.

Sinerissami tassani nunap inoqqaavi qangarsuaaniilli puisinniarneq ingerlataraat.  

Puisinniarnermik nangitseqqissinnaanermut akuerineqarumallutik eqimattat Canadap aalisarnermut ministereqarfia saaffigaat, CBC.news allappoq.

AAMMA ATUARUK Canadami illoqarfeeqqami puiserpassuit

Aalisartut puisinit akornusersorneqartut

Sinerissami massakkut 100.000 sinnerlugit puiseqarner peqqutaatinneqarpoq. Kattuffik isumaqarpoq kapisilippassuit tamaani pisarineqartartussaagaluit puisinit nerineqartartut.

Tamatuma saniatigut puisinit tunisassianik Kinamut Kangianilu nunanut allanut tunisinissamut kattuffik periarfissaqarluassangavoq.

Akuerineqarnissamut isumaqatigiinniutit februaarip qiteqqunnerani aallartissapput. Kattuffik akuerineqassaguni ikittunik pisaqartarluni aallartinniarpoq, tassa ukioq siulleq taamaallaat puisinik 2000-inik pisaqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat