Canadamiut puisiisa amii tunisaalluarput

Puisit amii pillugit qaammatini kingullerni saqitsaassuteqartoqartaraluartoq canadami puisit amiisa akii akitsoriartortut nalunaarutigineqarpoq.

Canadamiut aviisiat Canadian Press naapertorlugu ukioq kingulleq puisit amiisa akii akitsorujussuarsimapput. Agguaqatigiissillugulu canadamiut puisiisa amiisa akiat ippassaq 558 koruunit nalinganik qaffanneqarpoq.

Canadamiut puisinniartartut peqatigiiffianni siulittaasoq Eldred Woodfordip oqarnera naapertorlugu, puisit amiisa akiinik qaffaanermut pissutaavoq Aasiami Europa-p avannaani Ruslandimilu puisit amii piumaneqarsimaqimmata.

- Nunani taakkunani puisit amii piumaneqarluarput, pisisartullu perusuttorujussuummatigik pisiniarfiit puisit amiinik immerneqartariaqarput. Taamaattumillu puisit ameerniat Paul McCartney-kasak soqutigilaanngilaat, puisinniartartut peqatigiiffianni siulittaasoq Woodford taama issuarneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat