Canadamiut nukissiorfiata uuliap aqqutissaanut suliniut assortuussutaasoq unitsikkaat
Qaammatialunni Præsident Bidenip uuliap aqqutissaanut suliniummut akuersissutaasimagaluartoq atorunnaarsereeraalu, nukissiorfiup suliassaraluarni unippaa.
Uuliap aqqutissaanut, Keystone XL-imut, atortussaagaluit assimi takuneqarsinnaapput.
Allattoq Ritzau
juunip 10-at 2021 09:09
Nutserisoq Andreas Wille
Canadamiut nukissiorfiata TC Energy-p USA-p Canadallu akornanni uuliap aqqutissaa pillugu suliniut assortuussutaasoq, Keystone XL maanna unitsippaat.
Ingerlatseqatigiiffik pingasunngormat taama nalunaarpoq.
Suliniutip tunuartinnera pivoq, amerikamiut præsidentiata, Joe Bidenip akuersissummik pingaarutilimmik qaammatip ataatsip matuma siornatigut tunuartitsereerneratigut.
Suliniut 55 milliardit koruunit missaanni akeqartussatut naatsorsuutaavoq.