Assi: KNR/Jonas Løvschall-Wedel

Canadamiut Inuit ullorititaannut eqqaaniaasut

Canadami naggueqatigiit Inuit oqaluttuarisaaneranni ataatsimiinneq pingaarutilik Trent Universitymi eqqaaniarneqarpoq.

Canadami oqartussat naggueqatigiit Inunnut pissusilersornerat 1971-imi, tassa ukiut 45-t matuma siornatigut oqallisigineqarnerulerput.

Mary Simonip, naggueqatigiiit Inuit sinnerlugit oqaaseqartartut pingaarnerit ilaata KNR-imut oqaatigaa naggueqatigiit Inuit eqimattakkuutaarlutik taamanikkut naapeqatigiittalersut, naggueqatigiillu Inuit suliniaqatigiiffiannik pilersitsisoqarnissaanut eqqarsaat taamanikkut pinngorsimasoq taassuma oqaatigaa, naggueqatigiit Inuit sinnerlugit sulisussaq, naggueqatigiillu Inuit illersorneqarnissaat pillugu suliniaqatigiiffik pilersinniarneqalerluni.

Canadali nunarujussuuvoq, ataatsimeeqataanissamullu akissaqanngitsut amerlallutik, Mary Simon oqarpoq.

Tagaq Curleylli, Sallermiup, naggueqatigiit Inuit siuttui arfineq-marluk, Trent Universitymi, Ontariomiittumi, katersuutsissinnaasimavai, ilisimatusarfiummi rektoriata naggueqatigiit Inuit siuttui qaaqquai Trent Universitymi ataatsimiissinnaanngortillugit.

Naggueqatigiit Inuit suliniaqatigiiffiat Inuit Tapiriit Kanatami ataatsimiinnermi tassani pilersinneqarpoq, Tagaq Curley præsidentit siullersaralugit.

Trent Universityp taamanikkut iliuuserisai Canadami naggueqatigiit Inuit qujamasuutigeqigaat, Mary Simonip, Inuit Tapiriit Kanatami kingorna aamma præsidentiusimasoq, KNR-imut oqarpoq.

Ataatsimiittoqarsimanermut eqqaassutissatut allattuiffik Trent Universitymi sisamanngormat uleerneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat