Canadamiut filmiliaat pitsaanerpaatut nalilerneqarpoq
Canadamiut filmiliaat ‘Before Tomorrow’ Canadami aliikkutassiatut filmilianit pitsaanerpaatut nalilerneqarpoq. Tamanna pivoq Canadami CityTV-Award-eqarmat, Torontomi qaammaammi kingullermi International Film Festivaleqartoqarnerani.
Allattoq Louise M. Kleemann
oktobarip 09-at 2008 13:36
Filmimi ilitsersuisuupput Marie-Hélène Cousineau aamma Madeline Piujuq Ivalo, filmilu atuakkiortup danskiusup Jørn Rielip atuakkiaa, kalaallisut taaguuteqartoq ‘Aqagussap siornagut’ tunngavigalugu filmiliaavoq.
Filmi 1840-kkunni pisimasuutinneqarpoq, tassani oqaluttuarineqarluni naggueqatigiit Inuit arnartaat taassumalu ernutaa, inuilaarsuarmi qeqertami saperngusut. Aallaarsimaarfimminnut uteqqikkamik paasivaat aallaarsimaaqatitik tamakkerlutik qaqortunit amilinnit toqorarneqarsimasut.
Filmi Igloolik Isuma Productionsip aamma Kunuk Cohn Productionsip suleqatigiinnerisigut filmiliarineqarpoq.
Naggueqatigiit Inuit oqaluttuarisaanerminnik oqaluttuarsinnaaniassammata Igloolik Isuma Productions pilersinneqarpoq.
