Canadamiut filmiliaat oscarinnattussatut piukkunneqarpoq
Filmilianut nersornaasiuttakkat ataqqinarnersaat, Oscar, agguaanneqalerpat, Canadamiut filmiliaat ”The Necessities of Life”, nunat allamiut filmiliatsialaattut akissarsitinneqassangatinneqarpoq.
Allattoq Louise M. Kleemann
Filmimi oqaluttuarineqarpoq naggueqaterput piniartoq, Tivii, sakialluummik nappaateqarluni nunaqarfimminit Quebecimut ’50-ikkunni peqqissariartortinneqartoq.
Filmimi Tiviip silarsuarmik nutaaliaasumik takornarluinnakkaminik naapitseqqaarnera oqaluttuarineqarpoq. Tiviip nukappiaraq naggueqatini napparsimasoq naapippaa, marluullutillu ikioqatigiinnermikkut inoorusussuseqaleqqittut filmimi oqaluttuarineqarpoq.
Hollywoodimi oscarimik nersornaasiineq februaarip ulluisa 22-anni pissaaq. Oscarinnattussatut piukkunneqartut sapaatip-akunnera qaangiuppat kikkuunerat saqqummiunneqassaaq.