Canadamiut avannaarsuanut aallartitsipput

Canadamiut naalakkersuisuisa sakkutuut umiarsuaat marluk Canadap avannaarpiarsuanut aallartikkai, DR tusarliussivoq.

Canadap oqartussaaffimminik ukiut 30-t ingerlaneranni aatsaavissuaq taama erseqqissaasussanngorpoq, allaaserineqarporlu, Tartupaluk pillugu assortuunneq sakkutuut umiarsuaannik aallartitsinermut peqqutaasimagunartoq.

Canadap illersornissamut ministeria Tartupalummut qaammammi kingullermi niusimanera erfalasuliisimaneralu Danmarkip Canadallu assortuutilernerannut tunngaviuvoq.

Canadamiut danskillu nunanut allanut ministerii septemberimi ataatsimiittussanngorput, isumaqatigiissuteqanngikkunillu nunat tamalaat eqqartuussivianut suliassanngortitsisoqassalluni.

Silaannaap kissakkiartulernerata siku aatsissappagu Atlantikumut Manerassuarmullu aqquteqalersinnaanera ilimagineqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat