Canadamiut sakkutuuliussai 2009-p tungaanut Afghanistanimiiginnassasut Canadami inatsisartut amerlanerussuteqaqqalaarlutik ippassaq aalajangerpaat. Ulloq aalajangiiffik eqqorlugu, canadamiut sakkutuuisa arnartaasa ilaat ataaseq, Afghanistanimi talibanit sakkutuuinut akersuunnermi toqutaavoq.
- Taanna canadamiut sakkutuuisa arnartaannit nunani allani sakkutuunut akersuunnermi siullersaalluni toqutaavoq, Canadami ministeriuneq, Stephen Harper, ippassaq oqarpoq.
Afghanistanimi canadamiut sakkutuui katillutik 16-t maannamut toqutaapput. Canada 2300-inik Afghanistanimi sakkutuuliisimavoq.