Canadamiu - Canadami aatsitassarsiorfimmi sulisoq - Kalaallit Nunaanniit Canadamut tallimanngormat timmisartornialersoq tigusarineqarpoq, rubiininik arlalinnik nassaqartoq paasineqarmat – aatsitassarsiorfiup angutip suliffigisaata Kalaallit Nunaanni ujaqqanik erlinnartunik piiaanermi Danmarki suleqatigaa. Aviisi B.T. taama allaaserisaqarpoq.
Rubiini ataaseq 4 centimeterit missaannik takissuseqarpoq, 2,5 centimeterinik silissuseqarluni, rubiinillu allat 3 millimeterit missaannik angissusillit 5 millimeterimillu silissusillit arlallit canadamiup puussiaaqqanut poortorlugit aamma nassatarisimavai.
Angutip rubiininik anngiortumik nassataqarnera Kangerlussuarmi paasineqarpoq.
Danskit Kalaallit Nunaanni najugallit rubiininik namminneq pissaminnik pigisaqarsinnaapput, tamatumali saniatigut kalaallit kisimik ujaqqanik erlinnartunik taakkuninnga pigisaqarsinnaapput.