Assi: ScanpixAssi: Scanpix

Canadamiu inunnik ikiuiniartartoq ukiuni qulingiluani parnaarussassanngortinneqartoq

Canadamioq Nepalimi inunnik ikiuiniarnermik suleqataasimasoq meeqqanik marlunnik atornerluisarsimasutut eqqartuunneqareerluni ukiut qulingiluat parnaarussassanngortinneqarpoq.

Canadamioq eqqartuunneqartoq siornatigut Nepalimi ikiuiniaqatigiiffimmi suleqataasimasoq nukappiaqqanik marlunnik angerlarsimaffimmini atornerluisimasoq 2018-imi apriilip qaammataani tigusarineqarpoq.

Pineqartoq, 62-inik ukiulik Peter Dalglish Nepalimi eqqartuunneqarpoq, atornerluinermullu atatillugu 60.000 koruuninik taarsiissuteqartussanngortinneqarluni.

Nukappiaqqat atornerlunneqarsimasut aqqaneq marlunnik 14-inillu ukioqarput.

Pineqartorli pinngitsuunerarpoq.

Eqqartuunneqartup ilaatigut meeqqanik angerlarsimaffeqanngitsunik ukiorpassuarni suliniuteqarluarsimanera pillugu Canadami 2016-imi nersornaaserneqarsimavoq. 2012-imilu kattuffimmik pilersitsimavoq kattuffillu Red Barnetip sulineranut ilaasimalluni. Ukiullu qulikkuutaat ingerlanerini Naalagaaffiit Peqatigiit suliniaqatigiiffiini assigiinngitsuni suleqataasarsimalluni.

/ritzau/AP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat