Canadamiorpassuit Juullip Inua Canadamiuunasoraat
Naak Canadap Qalasersuarmik piginnittuunissaminik piumasaqarneranut, USA pisortatigoortumik oqaaseqarusunngikkaluartoq, Amerikami nunanut allanut tunngasunut ministeeriaqarfimmit oqaaseqartitaq allatut isumaqarpoq. Washingtonimi sapaatip akunnerani matumani tusagassiortunik katersortitsinermi, USA-mi naalakkersuisut isumaat naapertorlugu Juullip Inua Amerikamiuunersoq imaluunniit Canadamiuunersoq, ministeeriaqarfiup oqaaseqartitaanut Jen Psaki-mut apeqqutigineqarpoq.
Amerikamiut oqaaseqartitaata Juullip Inuata Canadamiuunissaa upperinngilaa imalu nangilluni:
- Naamik, Juullip Inua aamma Amerikamiuunngilaq, Juullimmi Inua arnaavoq. Aamma taanna Nunarsuarmiuuvoq, tassami meeqqat sumiikkaluartulluunniit nanisinnaasarpai, Jen Psaki oqarpoq.
Naalagaaffiit nunasiaatilitoqqat Issittumik piginnittuuniullutik tinnersaatileruttornerini, qanoq oqaaseqarnissaminik oqimaalutaallaqqissoq, allatut taama isummerpoq. Juullip Inua kalaaliusoq, Juullip Inuata sumiuuneranik oqallinnerup immaqa inernerisinnaaruttoraa?
