Canadami ukioq puisinnianut ajorluinnartoq
Canadami puisinniarneq ukioq manna ajorluinnarpoq. Naak Canadami inuit puisinniartarnerat Canadami naalakkersuisunit tapersersorneqaraluartoq, piniartunut puisinniarneq imminut akilersinnaanngilaq. Tasssami puisip amiata akia ukiualuit ingelaneranni 80 procentimik apparsimavoq.
Allattoq Jens Thorin
juunip 27-at 2009 18:07
Canadami puisittassat ukioq manna 280.000-iupput. Kisianni puisinniarneq upernaarli aallartimmat, pisassat sisamararterutaannaat pisarisimavaat.
Puisit amiisa akii Canada apparaluttuinnarput. 2006 puisip amia pitsaasoq 500 kronit sinerlugit akeqartoq, piniartut ukioq manna taamaallaat 65 kroniit 80 kronollu akornanni taamaallaat pissaarsissutigisallugu naatsorsuutigisinnaavaat. Taakkualu inuuniarnermut naammanngitsut, ilanngutassiortorput Marianne Stenbæk nalunaarpoq.
Canadami naalakkersuisut inuit puisinnniartarnerannikl sutigut tamatigut tapersisersuiniarput, aalisarnermullu ministeri, Gail Shea, inatsisartunut oqaqqammerpoq, Canada-p puisinniartarneq tapersersortariaqaraa.
