Canadami tuttut ulorianartorsiorput
Tuttut ulorianartorsiortinneqarnerat Canadamiut nalunaarusiaanni nutaami allaaserineqarpoq. Nalunaarusiami, Population Critical, Tuttoqassuseq ulorianartorsiortinneqarpoq, orpippassuit qeriuaannartullu masarsoqarfii tuttoqarfiusut silap pissusiisa allanngoriartornerat imaluunniit aqquserngiornerup innaallagissallu aqqutaanik siaartiterinerup ilutigisaanik annikilligaluttuinnarnerat allaaserineqarpoq.
Canadami parkinut uumasunillu eqqissisimatitsivinnut pisortap Eric Herbert-Dalyp, nalunaarusioqataasimasup, aviisimit Gazettemit apersorneqarluni naqissuserpaa tuttut ulorianartorsiortinneqartut. Pingaartumillu Labradorimi, Quebecimi Ontariomilu tuttut ulorianartorsiorput, neriniartarfii annikilligaluttuinnarnerat pissutigalugu.
Nordvestterritoriamiinnaq tuttoqassuseq alliartorpoq.