Canadami talittarfiit kalaallinut aqagu matuneqassapput
Atlantikup Avannaata Kitaani Aalisarneq pillugu Suleqatigiiffimmit NAFO-miit pisassiissutigineqartut, raajarniartunik akuerineqanngippata talittarfiit aqagumiit matoqqatinneqassasut Canadap aalisarnermut ministeriata Gail Sheap februaarip ulluisa tallimaanni sioorasaarutigaa:
- Pisassiisarnerit pillugit aaqqiisoqarnissaa ukiualuit matuma siornatigulli sulissutigilerparput, iluatsinngitsumilli, ministeri Canadami tv-qarfimmut CBC-mut oqarpoq.
Gail Shea oqarpoq Danmark Kalaallit Nunaat Savalimmiullu sinnerlugit illuinnaasiorluni raajartassiisimasoq, NAFO-p siunnersuutigisaanit quleriaammik amerlanerusunik raajartassiisimanerarlugu.
Canadami talittarfiit kalaallinut savalimmiormiunullu siornatigut matuneqarnikuupput.
Tamanna 2004-mi decembarimi pivoq, 2008-mili ammaqqinneqarlutik.
Kalaallit Nunaanni Savalimmiunilu oqartussat Gail Sheap ataatsimeeqatiserinnippai, aaqqiagiinngissutit aaqqiivigineqarnissaat matumani anguniarneqarluni.
