Ukiut tamaasa novembarip 11-ani Canada tamakkerlugu eqqaaniaanerit ingerlanneqartraput. Novembarip aqqarnga tassaavoq sorsunnersuup siulliup 1918-imi unitsinneqarfia.Assi: Patrick Doyle/Reuters/Ritzau Scanpix

Canadami sakkutuut ukiumoortumik eqqaaniarneqartut

Canadami ukiumoortumik eqqaaniaanerup ullua, Remembrance Day, ataasinngormat nalliussineqarpoq, tassani sorsunnerni Canadap peqataafigisimasaani Canadamiut sakkutuui toqusimasut imaluunniit ikiligaasimasut eqqaaniarneqarput.

Ukiut tamaasa novembarip 11-ani Canada tamakkerlugu eqqaaniaanerit ingerlanneqartarput. Novembarip aqqarnga tassaavoq sorsunnersuup siulliup 1918-imi unitsinneqarfia.

Aamma Iqalunni, Kangerlinermi aamma Eqalutttuutsiami eqqaaniaasoqarpoq soorlu aamma inoqarfinni minnerusuni taamaaliortoqartoq.

Aamma Paggivittami eqqaaniaasoqarpoq, taannami ullormut tassunga immikkut attuumassuteqarmat, ilisimaneqarmammi Inuit 15-t Paggivittamiut sorsunnersuarmi siullermi peqataasut.

Angallannermik ajornartorsiuteqartoqarnera allallu pissutigalugit Canadap issittortaaneersut Inuit ikittuinnaat sorsunnersuarni taakkunani marlunni peqataapput.

Nunavimmilli ataasiakkaat peqataasimapput, qasserpiaanersulli iluamik paasineqarsinnaasimanngilaq, taamani Inuit taamallaat nunap inoqqaavinut ilanngullugit nalunaarsorneqarsimammata, Inuit ilaattut pinnagit.

Eqqaaniaanerit oqalugiarnernik, sakkutuut nipilersorneqannik nalunaaqutarlu 11 minutsinik 11-nik qaangeraa minutsimik ataatsimik nipaallisimanermik, tassami nalunaaqutaq taamaalimmat sorsunnersuaq unitsinneqarmat, imaqarput.

Canadap sumiiffinni amerlanerpaani eqqaaniaalluni ullorsiorneq nalliuttunut ilaavoq nipaallisimanerlu Canadami tamarmi aamma atortinneqarpoq.

Eqqaaniaanerit oqalugiarnernik, sakkutuut nipilersorneqannik nalunaaqutarlu 11 minutsinik 11-nik qaangeraa minutsimik ataatsimik nipaallisimanermik, tassami nalunaaqutaq taamaalimmat sorsunnersuaq unitsinneqarmat, imaqarput. Foto: Patrick Doyle/Reuters/Ritzau Scanpix

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat