Assi: Inuvik Photos/Creative Commons

Canadami sakkutuut sungiusaleruttortut

Issittumi sakkutuut sungiusarnerisa ukioq manna annersaat Nunavumi Yukonillu territoriaani maannakkorpiaq ingerlanneqarpoq.

Tassalu sakkutuut sungiusarnerat Nanook, Canadap issittuani aasat tamaasa pisartoq.

Ukioq manna sungiusarneq marlunnik immikkoortoqarpoq. Yukonip territoriaani nuna sajuttuusaartinneqarpoq, illunillu isasoorsimasunit inunnik annaassiniarnermik sakkutuut sungiusartinneqarlutik. Annaassiniarnermi periaatsit ilaat Italiami ulluni makkunani atorneqartut assingi sakkutuut sungiusarpaat.

Sakkutuut sungisarnerisa immikkoortuata aappaa Hudsonip Kangerliumarngata kitaata sineriaani Rankin Inletimi ingerlanneqarpoq.

Sakkutuut tassani issittumi nakkutilliinermik ilinniartinneqarput, issittumilu ujaasinermik annaassiniarnermilu periaatsinik sukumiisumik sungiusartinneqarlutik.

Aamma sorsuttuusaartinneqarput, nunaqarfimmik issittulluunniit ilaanik tiguaaniartoqassagaluarpat piareersimaqqullugit.

Sakkutuut sakkutuujunngitsullu katillugit 850-it sakkutuut ukioq manna sungiusartinneqarnerinut peqataapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat