Canadami sakkutuut sungiusalersut
Aviisi Ottawa Citizen nittartakkamini taama allaaserisaqarpoq.
Arctic Bison 2017 ullumikkut aallartissaaq pilersaarutillu malillugit sapaammi februaarip 26-ani naammassineqassalluni. Arctic Response Company Groupimeersup 100-t missaat Manitobami Gimlimit Berens Islandimi tatsimut Lake Winnpegimut qamuleralannik ingerlaassaapput.
Sakkutuullu sinneri 100-t missaanniittut pilersaarutit malillugit sungiusarnermi aqutsisoqarfigineqartumi Gimlimiiginnassapput. Sungiusarneq tamakkerlugu ikorfartuinermik ilaatigut tassani suliaqassallutik.
Sakkutuut ungasissumut nakkutilliinermik, nunami ujaasinermik annaassiniarnermillu kiisalu avatangiisini peqqarniitsuni ajoqusersimasunik qimagussortitsinermik sungiusartinneqassapput.