Canadami saammaasseqatigiinnissaq pillugu ataatsimiinnerit kingullersaat
Nunasiaataanerup nalaani nunap inoqqaavisa, Inuit indianerillu meerartaasa, 75.000-it misigisarsimasaat ajortut ilagaat, taakku atuartuunerisa nalaani paarinerlunneqarlutillu kinguaassiutimikkut atornerlunneqartarsimaneri, tamakku kingunerannik meeqqat arlalippassuit tammaannartarsimasut aamma eqqartorneqarlutik.
Ataatsimiititaliarsuup sulinera, canadamiunit nunallu inoqqaavinit nuannarineqarluarlunilu pingaartutut isumaqarfigineqarpoq. Ataatsimiititaliarsuullu ataatsimiinnissaa kingulleq aallartillugu, nunap inoqqaavi indianerit, métis-it aamma inuit, katillugit 9.000-it ataatsimiiffimmi illoqarfimmi Edmonton-imi pisumi ammaanersiornermi najuuttuupput aamma nujuullutik inuusuttut ilinniagaqartut 500-it, taakku Canadap naalakkersuisuinit akiliunneqarlutik peqataasut.
Ataatsimeersuarnermi qulequtsiunneqarpoq ' Ilisimassuseq Ilumoortussarlu - Saammaasseqatigiinnissamut naalagaaffiup tamarmiusup ingerlaarnera'.
Ataatsimiititaliap sulinerani pisortaasup, Murray Sinclair-ip tusagassiutinut oqaatigaa, canadamiut nunallu inoqqaavisa iluminni ataqatigiinnerisa pitsanngortinneqarnissaa ataatsimeersuarnermi siunertaasoq. Murray Sinclair-ip aamma oqaatigaa imminut artornarnerpaasimasoq tassaasoq, meeqqat tammaaneqarsimasut qanoq pineqarsimaneranik paasiniaanerit.
Ilumoortussaq Saammaasseqatigiinnissarlu pillugit ataatsimeersuarneq aqagu sapaammi naammassineqassaaq.