Canadami qinersisoqalerunarpoq

februaarip 15-at 2007 16:01

Canadami ikinnerussuteqarlutik naalakkersuisut konservativiusut qinersisitsinissamut piareersarput. Canadami naalakkersuisoqarfimmit tusarfik tutsuiginartoq Avisimi Globe and Mailimi taama issuarneqarpoq.

Canadami konservativit qinersinermut tunngatillugu immikkut ilisimasalittaat Doug Finley avisimut oqarpoq marsimi qinersisoqassasoq, avisilu allappoq Ottawami inerujussuarmik qineqqusaarfissamik 1600 kvadratmeterisut attigisumik konservativit attartoreersimasut.

Canadami naalakkersuisut maannamut oqartarput maannaannaq qinersisitsisoqarnavianngitsoq, Canadamili illuatungiliuttut uppisitseriarsinnaapput pingaartumik aningaasanut inatsisissap massakkut suliarineqarnerani, taamaattoqassappallu ukiut pingasut ingerlanerinnaanni Canadamiut pingajussaa qinersisussanngussasut, Globe and Mailimi allaaserineqarpoq.

Canadami ikinnerussuteqarlutik naalakkersuisuusartut ukiut aapperlugit atagajupput.