Canadami qineqqusaarput
Canadami inatsisartunut qineqqusaarneq sorsunnermut nillertumut eqqaanarsivoq.
Naalakkersuisunut illuatungiliuttut issittumi sakkugissaartumik sakkutooqarfeqalernissaq neriorsuutigaat.
Sikusiutit sakkullit Iqalunnilu sakkutooqarfik nutaaq ilaatigut neriorsuinermi taakkartorneqarput.
Illuatungiliuttut immaqa isumaqarput sorsunneq nillertoq suli ingerlasoq, taama ministeriuneq Paul Martin Nunatsiaq Newsimi apersorneqarluni akissuteqarsimavoq.
- Illuatungiliuttut immaqa isumaqarput sorsunnermi nillertumi aqqartartut suli atorneqartut, Paul Martin taama oqarpoq.
Amerika avannaqqullugu immakkut aqqutaata angallavigineqaqqilernissaa illuatungiliuttut annilaagatigigaat, ministeriuneq isumaqarpoq.
Canadamiut ataasinngorpat qinersiartussapput. Isumasiuinerillu kingulliit takutippaat konservativit illuatungiliuttuusut ajugaassussaanngorsimasut.
