Canadami orpippassuarnik ikuallattoornersuaq
![](/sites/default/files/styles/image_934x467/public/article_images/skovbrand.jpg?itok=_77RJz5Q)
Canadami nunap immikkoortuata Quebecip avannaata kitaatungaani James Bayimi orpippassuarnik ikuallattoornerit ingasannersaat sapaatit akunnerini sisamani ikuallassimavoq. Orpippassuunerupput, aammali orpigaqarfiit qeriuaannartullu masarsoqarfiisa ilaat eqqugaasimapput.
Ikuallaffik Nunavimmut killeqarfiup eqqannguaniippoq, ikuallattoqarnerali tassunga suli siaruaassimanngilaq. Nuna 3.500 kvadratmeterisut annertutigisoq, Sjællandip affaatut annertutigisoq, maanna ikuallassimalerpoq. Sumiiffimmi ikuallattoornerit annersaraat.
Ikuallattoqarnera Cree indianerit nunaanni pivoq, taakkulu amerlanersaat illoqarfinnut kujasinnerusumiittunut qimagussorneqareersimapput.
Cree indianerinulli ajunaarnersuartut oqaatigisariaqarpoq, taakkumi orpippassuarni uumasut, maanna qimaasimanngikkunik ikuallagussaasimasut, ukiuni tuusintilikkuutaani inuussutigisimavaat.
Cree-høvdingip tusagassiorfinnut oqaatigaa, inuunerput, inooriaaserput ikuallagussaavoq, tassaqa uanga inuutillunga orpippassuit uumasullu uteqqissappat.
Ikuallattoqarnerata qamisarnera ajornakusoortupilussuusimavoq, ulluni 60-ini siallersimanngilaq, maannali siallilaarsimavoq, Nunavimmilu qeriuaannartup masarsuanut siaruatsaaliorneqarsinnaanissaa neriuutigineqarpoq.