Canadami nattoralippassuarnik toqoraasimasut tigusarineqarput
apriilip 30-at 2006 16:52
Angutit aqqanillit indianerinik ilaqartut Canadami nattoralinnik naalliutsitsisimasutut ullumi tigusarineqarsimasut, CBC allaaserisaqarpoq.
Tigusarineqartut nattoralinnik ikinnerpaamik 50-inik eqqissisimatitaasunik toqutsisimasutut unnerluutigineqarput. Nattorallit nassaarineqaramik niui meqquilu piiarneqarsimapput.
Indianerit unioqqutitsinermut pasineqarput, taakkumi nattorallit meqqui kukiilu atisaminnut nalliuttorsiornernilu atortarpaat.
Indianerit naggueqatigiit Burrard-inik imminnut taagortut oqaaseqartartuat oqarpoq, iliuuserineqarsimasut pinerliinertut isigisariaqartut, tamannalu eqqartuussivimmi suliarineqartariaqartoq.
Pinerluuteqarsimasut junip ingerlanerani eqqartuunneqassapput.