Canadami naggueqativut ilinniartitaanermut tunngastillugu kajumissaaserneqartut

Naggueqatitta suliniutaat pingasut Issittumi Kajumissaammik, Quebecimi ilisimatusarfimmi Lavalimi ilisimatuussutsikkut suliniaqatigiiffimmit ArcticNetimit, tunineqarput. Tamanna ArcticNetip ukiumoortumik Halifaximi ataatsimiinnerani tunniunneqarpoq. Kajumissaaserneqartut tamarmik immikkut 1,7 mio. koruuninik tunineqarput.

Vancouverip aalisakkanik uumatitsiviani suliniut Ikaarvik* kajumissaaserneqartut ilagivaat. Taanna Inuit nunaqarfiinik Canadallu aalisarnermut ministeriaqarfianik suleqateqarluni Inuit inuusuttaat aalisakkanik ilisimatuunut atassuteqartippaat, inuusuttut ilisimatuullu taamaasillutik ilisimasaminnik paarlaasseqatigiissinniarlugit.

Suliniutip aappaa tassaavoq Nunavutsiap naalakkersuisa suliniutaat SakKijâginnatuk* Nunalik: Healthy Homes in Thriving Nunatsiavut Commmunities - inuiaqatigiinni peqqissuni angerlarsimaffiit inissiallu peqqinnartut.

Kajumissaaserneqartullu pingajuat tassaavoq Inuit Tapiriit Kanatamip Ottawami suliniutaa Amaujaq National Center for Inuit Education i Ottawa, Canadamiumit ilisarisimaneqarluartumit Mary Simonimit aqunneqartoq. Sullissiviup suliassaraa nagguteqatigiit Inuit meeqqat atuarfianni ilisimatusarfimmut anngunnissaat tikillugu ilinniartitaanerisa pitsanngorsarnissaannut periaasissanik nassaarniarnissaq.

Amaujaami* ukiormanna immikkut suliniuteqarfigineqartoq tassaavoqo meeqqat atuarnerannut angajoqqaat akuunerulersinneqarnissaat, tamanna meeqqat iluatsitsilluarnissaannut pingaaruteqarnerpaatut isigineqarmat.

Amaujaq nuna tamakkerlugu komitemik pilersitsisimavoq, immikkullu ilisimasallit Canadami sumiiffinni assigiinngitsuni atuarfiit pisortaat angajoqqaallu isumassarsiorfigalugit ataatsimeeqatigisarsimavaat. Mary Simon kajumissaasiinermi ilaatigut ima oqarpoq: “Nuna tamakkerlugu suliniuteqarnitta siunertaraa,  angajoqqaat meeqqaminnik atuariartortitsinissaminnut, meeqqallu ilinniarusussuseqarlutik atuariartortarnissaannut ikiorneqarnissamik pisariaqartitsisunut ikiusisinnaasunik nunap immikkoortuini suleqateqarnissaq, Mary Simon oqarpoq.

Nalunaarsuakkatr: * Ikaarvik Vancouver-imi assinik paasissutissanillu allanik pissarsisoqarsinnaavoq.

* paasissutissat allat uani pissarsiarineqarsinnaapput: www.amaujaq.ca