Assi: Douglas Sprott/Flickr Creative Commons

Canadami naalakkersuisut meeqqat pillugit annertuumik piumaffigineqarput

Canadami inuit pisinnaatitaaffii pillugit eqqartuussiviup Canadami naalakkersuisut qinnuigisimavai qaammat ataaseq matuma siorna aalajangiussimasartik atuuttussanngorteqqillugu.

Aalajangigaq tassaavoq Canadami meeqqat tamarmik, nunap inoqqaavinit allanilluunniit meeraagunik assigiilluinnarmik paarineqarnissaminnut piginnaatitaammata, napparsimagunik innorluuteqarunilluunniit. Aammattaaq meeqqat tamarmik assigiinnik atortoqarsinnaatitaasut, soorlu issiavinnut assakaasulinnut, timip ilaanut taarsiutinut isarussanut assigisaannullu.

Cindy Blackstock suliniaqatigiiffimmi First Nations Family and Caring Societymi pisortaavoq. Suliniaqatigiiffiup taassuma nunap inoqqaavisa: indianerit, metis inuillu meerartaasa peqqissusaannik nakkutiginnittuusup canadami inuit piginnaatitaaffii pillugit eqqartuussivimmut canadap naalagaaffia suliassanngortitsisimavaa, meeqqat tamarmik assigiimmik pineqarnissaat anguniarlugu.

Aamma atuaruk Inuit pisinnaatitaaffii Canadami oqaluuserineqartussanngorput

Eqqartuussineq ukiunik qulingiluanik sivisussuseqartoq qanittukkut taassuma ajugaaffigaa.

Cindy Blackstock - nammineq Gitxsan indianeriusoq siorna KNR-mit apersorneqartilluni oqarpoq, nunap inoqqaavisa meerartaat meeqqatut allatut peqqinnissaqarfimmit pineqartanngitsut, tamannalu assigiinngisitsinerusoq.

Inuit pisinnaatitaaffii pillugit eqqartuussiviup sapaatip akunnerani matumani canadami naalakkersuisut qinnuigisimavai eqqartuussinerup inernera sapaatit akunnerisa marluk iluanni atuuttussanngorteqqullugu assigiinngisitsineq unitsinneqarniassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat