Assi: Flickr/Creative Commons

Canadami isserujussuarnera angerlarsimaffeqanngitsunut imaannaanngilaq

Canadami illoqarfissuarmi Montrealimi massakkut issittorujussuuvoq. Januaarip qaammataata naalernerani 32-nik ississimavoq. Tamannalu naggueqatigiinnut inunnut angerlarsimaffeqanngitsunut imaannaanngitsuusimalluni.

Montrealimi naggueqatigiit inuit angerlarsimaffeqanngitsut 200-t 300-llu missaannik amerlatigipput, taakkulu pissutsit assigiingitsut pissutigalugit najugaqarfigisaminnut utersimanngillat.


Naggueqatigiit inuit arnartaat Montrealimiittut atugarissaanerupput, taakkua arnanut orniguttarfinni sinissinnaasarput - inissaqartillugu.
 
Angutitaannulli atugassarititaasut imaannaanngitsuupput. Angerlarsimaffeqanngitsunut ullaakkorsiortarfinni nerisarfinnilu isersimasinnaapput ullulli sinnerani aqqusinerni inuusarlutik.
 
Taakkua aqqusinerni qinnuuloortut sinittulluunnit takuneqarsinnaapput.
 
Angerlarsimaffeqanngitsut ikiorniarlugit suliniaqatigiiffiit iliuuseqarniartaraluarput. Montrealimi politiit inunnik angerlarsimaffeqanngitsuni, sila 15-it sinnerlugit issikkangaat, ikiuisarput, ikiorniarneqartullu aatsaat piumagaangata ikiorneqartarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat