Canadami inuusuttut namminneq iliuuseqartut

Nunap ilaani Inuvialunni pisortatigoortuunngitsumik illoqarfiit pingaarnersaanni Inuvimmi inuusuttut arlallit inuusuttunut aqutsisoqarfimmik nunap immikkoortuaneersunik 24-nik ilaasortaqartussamik pilersitsinialerput.

Inuusuttunut aqutsisoqarfiup toqqaannartumik inuusuttut ukkatariniarpai suliniutillu nutaat aqqutigalugit tapersersorniarlugit.

Brayden Koe ataatsimiititamut ilaasortaasoq inuusuutut pisinnaatitaaffii periarfissaallu pingaarnerutissallugit aviisimut Inuvik Drumimut oqarpoq.

Inuusuttunut aqutsisoqarfiup pilersinniakkamik inuusuttut akimmiffinnik ulluinnarnilu unammillernartunik qangiiniarnissaannut ikiussagai, Brayden Koe nangillugu oqarpoq.

Unammillernartut tassaasinnaapput pimmataaneq, imigassamik, ikiaroornartumik allanilluunniit atornerluineq, inuiaqatigiinni inissisimaneq, taavalu kikkunnilluunniit siuleqarneq apeqqutaatinnagu ikiorneqarsinnaassallutik.

Inuvimmi innuttaasut naggueqatigiit inuit, eqqilinnit G’wich-imit Canadallu ilaanit allaneersunit akuugaapput.

- Inuusuttut tamaasa ataatsimoortinniarpavut sinniisuuffigalugillu. Nutaanik periarfissiuunniarpavut aamma inuunermi siunissamilu imigassamit ikiaroornartumillu allaanerusunik periarfissaqartoq, Brayden Koe oqarpoq, isumaqarlunilu inuusuttut tamarmik inuusuttoqatiminnut ikiuinissamut piginnaaneqartut.