Canadami Inuit peqqissusaat misissorneqartussanngorpoq
Umiarsuaq sikunik aserorterut, Amundsen, Northwest Territoriesimi Paulatukimit aallartittussamik kangimut ingerlaassaaq, inoqutigiinni ataasiakkaani inuit qanoq amerlatigisut eqiterussimanersut paasiniarneqassammat, nerisassaqarniarneq, aanngajaarniutinik atuineq, tarnikkut peqqissuseq kiisalu najugarisami atukkat misissuiffigineqassammata.
Siorna taamatut misissuisoqarmat Nunavummi misissuisoqarpoq, nunaqarfiit 18-it tikinneqarneranni inuit katillugit 1214-it apersorneqaramik.
Michelle Wood, Nunatsiavummi naalakkersuisut oqaaseqartittagaat, oqarpoq, naggueqatigiit Inuit Labradorimi najugallit misissuinermi peqataatinneqarnissaat pingaaruteqartoq, kiisalu Issittumi najugallit allat aamma peqataatinneqartariaqartutut misigisimasoq, nangipporlu:
- Kalaallit Nunaat aamma suleqatigineqassaaq, Rusland naggueqatigiillu Inuit Issittumeersut allat suleqatigineqassallutik. Taamaaliornikkut paasissavarput naggueqatigiit Inuit qanoq atugaqarnersut, Michelle Wood naggasiilluni oqarpoq.
