Canadami Inuit naalliutsinneqartarsimanerat atuartitsissutigineqartalissaaq
Canadap oqaluttuarisaanerani nunap inuiinullu atassuteqarnerani pisimarsimasut ajornerpaat ilagaat. Tassalu kostskolini, Canadami naalakkersuisut ilagiit assigiinngitsut peqatigalugit ingerlatarisimasaanni, naggueqatigiit indianerit inuillu meerartaannik atornerluisoqartarsimaneranik naalliutsitsisoqartarsimaneranillu oqaluttuarpassuit.
januaarip 27-at 2014 07:35
Naalliutsitsisoqartarsimaneranik oqaluttuat 2000-imi saqqummermatali Ilumoortoq Saammaasseqatigiinnissarlu pillugit ataatsimiititaliartoqarsimavoq, taannalu Canadami tamakkuninng pisortaqartarsimaneranik oqaluttuanik katersuilluni Canada tamakkerlugu angalasimavoq.
Tamatumalu malitsigisaanik naggueqatigiit indianerit inuillu meerartaasa atuarfinni misigisapilui maannamullu suli naalliuutigisaat pillugit Nunavummi Nordvestteritoriamilu atuarfinni aalajangersimasumik atuartitsissutigineqartalersimapput.
Tamakku atuartitsissutigineqartarneri Canadami atuarfinni tamani atuutilersinneqarnissaat pilersaarutigineqarpoq.
