Canadami inuit meerartaat toqujaartut amerlasut

Canadamit inuit meerartaat peqqippallaanngillat. Meeraatillutik toqusartut amerlaneri eqqarsaatigiinnarlugilluunniit nunani ineriartortuni pissutsinut naleqqersuunnartut, UNICEF-ip nalunaarusiaani kingullermi erserpoq.

Nalunaarusiami nutaami, UNICEF-ip Canada-mi immikkoortortaata sapaatit akunnerani qaangiuttumi saqqummersitaani, paatsuugassanngitsumik ersepoq, Canadami inuit meerataat peqqinngeqisut. Peqqissutsikkut atugaat nunani ineriartortuni atukkanut naleqqersuunneqarsinnaalerput. Tassalu inuit meerartaasa toqujaartut amerlassusaat Sri Lankamisut Fiji-misullu iinnarpoq. Tassalu amerlavallaaqqaat.

Inuit Tapiriit Kanadami præsidentiat, Mary Simon, tusagassiorfinnut oqarpoq, nalunaarusiaq misilitsinnermi allagartatut isigigaanni, inuit meerartaat angusinngitsoortut.

- 1000-it inunngoraangata 16-it toqusarput, taamannalu akuerineqarsinnaanngilluinnarpoq, Mary Simon oqarpoq.

Inuit Canadami kisiartaallutik aamma tuberkulosimik nappaalapput. Taakkua saniatigut inuit 265-it puulukit nappaataannik napparsimapput, Canadap sinneranit amerlaneroqalutik.

Ineqarnikkut atukkat ajortut kimikitsunillu nerisaqartarneq inuit taama atugaqarnerannut patsisaatinneqarpoq.

UNICEF-ip nalunaarusiaata ersersippaa, Inuit meerartaasa Canadamilu meeqqat allat peqqissusaat assigiinngippallaarujussuartut. Inuit meerartaasa 33 procentii arlaannik anigorsinnaanngisaminnik nappaateqateqarput. Aamma Inuit meerartaat tuberkulosertut Canadami meeqqanut allanut naleqqiullutik 90-eriaammik amerlanerupput.

Mary Simon aamma oqarpoq, ajornartorsiutinut tamakkununnga sukkasuumik ajornannginaarluguluunniit aaqqiissutissaqanngitsoq, assigiinngitsorpassuartigullu iliuuseqartoqartariaqartoq pingaarluinnartorlu maannakkorluinnaq iliuuseqarnissaq. Tassami Inuit tamarmik 35 procentii 15-it inorlugit ukioqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat