Canadami inuit filmiliaat Danmarkimi nersualaarneqarpoq
'Avannaani filmi tupinnartuliaq'. Taamatut ippassaq Fyens Stiftstidende-mi ilanngutassiap qulequtaani Canadami inuit filmiliaat nersualaarneqarpoq.
- Allaanngilaq tupinnartuliaq. Naalagaaffimmi nutaami Danmarkimi illoqarfiit ilaanni mikisumi innuttaasut amerlaqataannik innuttaqartumi ukiut qulit sinnilaarlugit ingerlaneranni filminik pingasunik asseqanngitsunik filmiliortoqarpoq, cand. mag. Kaj Axel Jensen, allappoq.
Filmiliornermik ingerlatseqatigiiffik Igloolik Isuma Production ilitsersuisumit Zacharias Kunuk-mit aamma assiliisumit Norman Cohn-imit tunngavilerneqarpoq.
Filmit pingasut taakku tassaapput nersornaasigaq Atanarjuat (Oqilasooq), The Journals of Knud Rasmussen, filmit taakku Danmarkimi filmiliornermik ingerlatseqatigiiffik Barok Film suleqatigalugu filmiliarineqarput kiisalu filmi Before Tomorrow, Jørn Riel-ip atuakkiaa Ullulernerup Akisunnera (Før Morgendagen) tunngavigalugu filmiliaq.