Canadami inuit aningaasanik piumasaqalernissaat ernummatigineqarsimavoq
Canadap aarleqqutigilersimagaluarpaa, Canadap avannaani nunap inoqqaavi aningaasanik piumasaqarnissaat, silap pissusaanik isumaqatigiinniarnerit atsiorneqarsimasuuppata.Nutaarsiassaqartitsivik Canadian Press taamatut allaaserisaqarpoq.
Københavnimi isumaqatigiinniarnermi Canadamiut aallartitaasa allagartaq uppernarsaataat, aviisip Canadian Pressip pigisarilersimavaa.
- Uppernarsaammi allassimavoq, Københavnimi isumaqatigiissuteqartoqarsimasuuppat tamassuma kingunerissagaa Canadap avanannaani nunap inoqqaavi issittumi najugaqartut aningaasanik amerlanerusunik piumsaqalernisaat -
Uppernarsaammi allassimavoq, silap pissusaata allanngoriartorneratigut Canadap avannaa annertunerusumik eqqugaanavianngitsoq.
Taamatut isumaqarneq Canada-mi nunap inoqqaavisa kissaataannut illuatungiliuttuuvoq, taakkumi qangali oqaluttuarput, silap pissussaata allanngoriartornerata pilersitaanik aaqqitassanik suliniarnerminnut aningaasanik ikiorsiineq naammanneq ajortoq.
Silap pissussaa pillugu ataatsimeersuarneq tulleq COP-16 Mexicomi Novembarip 29-annit decembarip qulingiluaanut pissaaq.
Silap pissusaa pillugu isumaqatigiissuteqarluni atsioqatigiinnissaq aappaagu Sydafrikami COP-17-mi pinissaa USA-mit Canada-miillu ilimagineqartoq, Canadian Press taamatut allaaserisaqarpoq.