Canadami nunap inuii naggueqatigiit inuit amerliartornerpaajusut, Nunatsiaq News allappoq.
Canadamiut naatsorsuisimanerat naapertorlugu nalunaarusiortoqaqqammerpoq. Canadamilu naggueqatigiit inuit amerliartortuassappata 2017-imi 68.400-nik amerlassuseqalersimassapput naak 2001-imi 47.600-t taamaallaat nalunaarsorneqarsimagaluartut.
Naggueqatigiit inuit arnartaat naggueqatitsinnut allanut naleqqiullugit meeqqiornerulersimapput, naggueqatigullu allanut naleqqiullugit nuttannginnerusimasut nalunaarusiami aamma allaaserineqarpoq.
Aningaasarsiornikkut imaluunniit silaannaap allanngorneratigut siunissami naggueqatitta amerliartornerat allanngortissinnaagaa, nalunaarusiami allaaserineqarportaaq.