Assi: Screendump/itk.ca

Canadami Inuit akornanni nerisassassaaleqineq internetti atorlugu akiorniarneqalersoq

Canadami naggueqatigiit Inuit ilaatigut nerisassassaaleqisarnerat interneti aqqutigalugu akiorniarneqalerpoq.

Canadami naggueqatigiit Inuit amerlasuut naammattunik nerisaqarneq ajorput, pingaartumik utoqqaat inuusuttullu akornanni tamanna takussaalluni.

Naggueqatigiit Inuit akornanni inuusuttut 15-it inorlugit ukiullit 70 procentiisa missaat iluamik nerisaqarsimanatik innaannartartut ilimagineqarpoq.

Inuussutissat akisuallaarnerat pissutaavoq, imaaliallaannarlunilu aalisartoqarsinnaananilu piniartoqarsinnaanngilaq.

Canadami naggueqatigiit Inuit suliniaqatigiiffiat Inuit Tapiriit Kanatami Nunavimmi peqqinnissaqarfik suleqatigalugu Nunavimmi illoqarfinni nunaqarfinnilu assigiinngitsuni nerisassassaaleqisoqartarnera akiorniarlugu suliniutit pillugit internetikkut allattorsimaffimmik ammaasimapput.

Assersuutigalugu Kuujjuarmi illut naatitsiviit pillugit allattorsimaffimmi paasiniaasoqarsinnaavoq, meeqqat Aklavimmi atuartut naammattunik nerisaqarnissaat pillugu ilaatigut ullaakkorsiortitsisarnerit, Orsortuumilu nerisassaateqarfik pillugu paasissutissat aamma aaneqarsinnaallutik.

Naggueqatigiit Inunnut neqeroorutip nutaap aqqa tassaavoq Nuluaq, tassa qassutit matumani pineqarlutik.

Suliniutip taassuma illoqarfinni nunaqarfinnilu allani isumassarsisitsisinaanissaa neriuutaavoq, nerisassaqarniarnerup tungaatigut ikiorsiisoqarsinnaanissaa neriuutaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat