Canadami inuiannik toqoraasoqarsimanera nalunaarusiami inerniliunneqartoq
Nalunaarusiaq ‘Pissaanerput Inissisimanerpullu utertiguk’-mik taaneqartup naggueqatigiit Inuit, indianerit Métisillu arnartaasa, suiaaqatiminnoortut, suiaassutsinullu tamanoortut inuiannik toqoraanermik nalaataqarsimasut inerniliuuppaa.
Inunnummi qanoq iliorneq kisimi pineqanngilaq iliuuseqartoqannginnerali aamma pineqarluni.
Nalunaarusiap iliuutsit nunasiaataanermit aallaavigeqartut oqaluttuarai ... politiit arnat periarfeerunnerannik toqutaanerannillu ilungersuussinngitsut. Arnat nunalluunnit inoqqaavi inuiaqatigiinni pingaannginnerusut allat pineqartillugit nakuusernerit pineqaatissiissutaanngitsut naammattumilluunniit pineqaatissiissutaanngitsut.
Premierministerip Justin Trudeaup nalunaarusiaq tigugamiuk oqaaseq inuiannik toqoraanik oqalugiarnermini ilanngutinngilaa.
Taamaakkaluartorli naalakkersuisuutitanilu nalunaarusiaq akueralugu pisimasullu inuiannik toqoraanertut isigineqarnera akueralugu nalunaarusiap tiguneranit ulloq ataaseq qaangiutilaaginnartoq oqaatigaa.
