Nunanit allanit

Canadami innuttaasut inuiannik kulturikkut toqoraasoqarsimanerarpaat

Inuiannik kulturikkut toqoraaneq. Oqaatsit sakkortupput, tassami naalagaaffiup imaluunniit naalakkersuisut inuiaat allat kulturiannik oqaasiinillu piaaralutik nungusaaniarnerannik isumaqarmata.
Assi © : KNR/Jonas Løvschall-Wedel
Allattoq Marianne Stenbæk, Montreal, Canada
juulip 15-at 2015 13:46
Nutserisoq Simon Uldum -

Canadami innuttaasut isumaannik isumasiuinerit sapaatit-akunnerini kingullerni marlunni ingerlanneqartut takutippaat Canadamiut amerlanerpaartaat, tassalu 75 aamma 80 procentit, isumaqartut Canadami naggueqatigiit Inuit, indianerit metisillu 1900-kkunni ilumut taamatut pineqarsimasut.

Canadap premierministererisimasaata Paul Martinip ukiut marlussuit matuma siorna oqaatsit "inuiannik kulturikkut toqoraaneq" naggueqatigiitt Inuit, indianerit metisillu qanoq pineqartarsimanerannut tunngatillugu siullerpaamik atorpai.

Aammattaaq Ilumoortussaq Saammaateqatigiinnissarlu pillugit Isumalioqatigiissitap, Canadami nunap inuiisa meerartaasa Canadami kostskolini qanoq pineqartarsimanerannik misissuitinneqartup oqaatsit taakku akulikinnerusumik pingaartillugillu nalunaarusiani atortalerpai.

Isumaqalioqatigiissitallu kaammattuutaata juunip qaammataata aallartinnera saqqummiunneqarmatali isumasiuinerit maanna takutippaat Canadamiut nunap oqaluttuarisaanerani taartumi qanorpiaq pisoqartarsimanera maanna nassuerutigigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq