Canadami indianeriulluni mutiuvoq

Canadami indianeriuneq mutinngoriasaarsimavoq. Tamannami immikkut ittunik iluaqutissartaqarpoq.

Canadami nunap inuiisa immikkoortitaasinnaasutut imaluunniit kanngusutsitaasinnaasutut misigisimanertik pissutigalugu indianeriunertik Inuunertillu ukiorpassuarni toqqorterniartarsimavaat. Ullumikkulli taamaakkunnaarsipput.

Newfoundlandimi naggueqatigiit indianerit kingulliit, Qalipu Mi'kmaq, 2011-mi pisortatigoortumik akuerineqarnerisa kingorna, inuit naggueqatigiinnut taakkununnga atanasorisut Canadami indianerit pillugit inatsisiliorneq naapertorlugu "indianeriunertik pisortatigoortumik akueritissinnaalerpaat". Inuk indianeriusutut akuerineqartoq ilinniarnermusiaqarsinnaatitaavoq, napparsimanermi ikiorsiissutinik pisartagaqarsinnaalluni aningaasatigullu assigiinngitsutigut ajunngitsorsiassaqartinneqarsinnaatitaalluni.

Nunap inuiinut tunngasunut ministeriusimasup, John Duncanip, ministeriunermini oqaatigaa ulloq Mi'kmaqinut pingaaruteqartuusoq.

Nunap inuiinut tunngasunut ministeriaqarfiup inuit 20.000-it Mi'kmaq indianeritut akuerineqarnissamik qinnuteqarnissaat taamani naatsorsuutigisimavaa.

Maannamullu inuit 103.000-it indianeritut akuerineqarnissamik piumasaqarlutik qinnuteqaateqarsimanerat ministeriaqarfiup tupaallaatigisupilussuuaa.
 
Tamanna naalakkersuisunut akisuupilussuanngorsinnaavoq, taamaammat aamma qinnuteqaateqarnissamut malittarisassat allanngortinneqarsimapput, indianererpassuilli tamanna akueriumanngilaat.
 
Aviisi National Post naapertorlugu, indianerit naalakkersuisunik sunniiniaqatigiit, Qalipu Watchdogs, naalakkersuisut salluliornerarlugit sianiinnerarlugillu maanna pisuutippaat, Mik'maqikkimmi amerlassusaat ikinaarujussuarsimammatigik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat