Canadami sumiffinni amerlasuuni indianierit qimuttuitsut aqqutaannik assersuipput, gassip aqqutissaanik sanaartornissaq akerleralugu Assi: Alex Filipe/Reuters/Ritzau Scanpix

Canadami indianerit qimuttuitsut aqqutaannik assersuipput

Akerliussutsimik takutitsinerit aallartipput indianerit nunaannit, Canadami naalagaaffimmi British Columbiamiittumi manerassuup tungaanut ruujorimik gassip aqqutissanik sanaartortoqarnissaa akerlerineqarmat.

Canadami nunap inoqqaavi ersoqatigiumallugit gassimut nutaamik aqqutiliortoqarneranut akerliussutsimik takutitsinerit sakkortuut Canadami tamarmi takussaapput.

Akerliussutsinik takutitsinerpassuit Manerassuup eqqaani British Columbiamiit Atlantikup eqqaani nunat immikkoortuisa tungaanut pipput. British Columbiamilu nunap inoqqaavisa høvdinngiisa nunaqarfimminni gassimut aqqutiliortoqarnissaa akuersaanngimmassuk akerliulluinnarput.

Taamaammat nunaqarfimminni assiaqutsersuipput, taakkualu politiinit piaarniarsarineqaleruttorput.

Qimuttuitsut aqqutaanni assiaqutsersuisimanerat pissutaalluni Canadami illoqarfiit pingaarnerit tassa Torontop, Ottawap Montrealillu akornanni qimuttuitsunik angallannerit unerarput.

Canadami nutaarsiassaqartitsivik CBC News naapertorlugu, Canadami nunat inoqqaavi pillugu ministeri, Marc Miller, Canadami nunap inoqqaavippaat - nunap immikoortuani Ontariomi Bellevillep eqqaani qimuttuitsut aqqutaanni tupeqarfiliorsimasut - ornigulluni isumaqatigiinniaqatigiartornissaanut neqeroorfigalugit e-mailikkut pingasunngornermi allaffigai.  

Canadami aqqusinersuit qassiit angallavigineqarsinnaajunnaarlugit assersorneqarput.
Akerliussutsimik takutitsinerit navianarlutillu inatsisinik unioqqutitsinerusut, Canadami angallannermut ministerip, Marc Garneaup, Canadami nunap inooqqaavisa TV-qarfiannut, APTN TV-mut oqaatigaa.

Assiaqutsersuinerit qimuttuitsut angallannerisa uninnerannik malitseqaannaratik nassiussanik qimuttuitsut lastbiilillu atorlugit assartuinerit aamma unipput.

Manna tikillugu akerliussutsimik takutitsisoqartuarsinnarpoq; sakkortunerulerataannaallutillu.

Gassip aqqutissaa ruujori  Dawson Creekimit  meranerassuup sineriaaniittumut Kitimatimut sananneqartussaq 670 kilometerisut isortartigissaaq, tassanngaanniillu gassi umiarsuarnik nunarsuup sinneranut ingerlanneqartassalluni.  

Gassimut aqqutiliortoqarnissaanut ukiorpassuarni isumaqatigiinniartoqareersorlu, Canadami eqqartuussiviit qullersaat sapaatip akunnerata siuliani akuersivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat