Canadami inatsit nutaaq: Anitinnak quigit
Nunatsinni aqqusinerni imaluunniit pinngortitami sumut tamaannga eqqaasartut 300 koruuninik akiliisinneqartalernissaat Folketingimi inuusuttut ataatsimiisinneqarnissaanni oqaluuserisassatut Nuummi Ukaliusami atuartut qanittukkut siunnersuutigineqarpoq.
Taamalu minguitsuutitsinissamik siunnersuuteqarnermut assigusoq siunnersuut akilinermi piviusunngortinneqaqqammerpoq.
Tassa Canadami illoqarfiit annerit ilaanni, Calgarymi, aqqusinerni kaajaluisanilu kikkunnulluunniit aqqutaasuni paaneq, qitserarneq quinerlu maanna inerteqqutaalerput.
Inatsit erniinnaartumik atuutsilersinneqarpoq, kommunalbestyrelsimi amerlanerussuteqalaartut siunnersuut ataasinngormat akuerimmassuk.
Illoqarfimmi issiavinni takisuuni kikkunnilluunniit ingiffigineqarsinnaasuni isikkat aamma qaqeqqusaajunnaarput.
Malittarisassat nutaat angerlarsimaffeqanngitsunut eqquinissaat illoqarfimmiut ilarpassuisa annilaanngatigaat.
Malittarisassat unioqqutinneqarpata – angerlarsimaffilinnut angerlarsimaffeqanngitsunullu assigiimmik – taava 250 koruunit 1500 koruunillu akornanni akiliisitsisoqartassasoq Canadamiut nutaarsiassaqartitsivianni CNEWS-mi allaaserinnittoqarpoq.
