Canadami inatsisartut neriniartarfiat puisip neqaanik sassaallertalerniarpoq
Pingasunngorpaminngaanniit igasup puisip neqaa inatsisartunut ilaasortanut sassaalliutigisalissavaa taakkua EU-p Canadamiut puisinit tunisassiaasa avammut nioqqutigeqqusaajunnaarnerannut akerliunialernissaat periarfissinniarlugu.
marsip 08-at 2010 16:05
Cadanap naalakkersuisui konservativiusut nalunaarput Canadap kangimut sineriaani puisinniarneq akornusersorniarlugu EU-p inerteqquteqarnera julimi atulersinneqartoq akiorniassallugu.
- Puisip neqaata sassaalliutigineqartarneratigut puisinniarnermik inuussutissarsiuteqartunut isumaqataanertik takutinniarlugu politikkikkut partiit maanna periarfissaqalerput, senatimut ilaasortaq Celine Hervieux-Payette nalunaarummi taama oqarpoq.
Senatimut ilaasortamut siunnersorti oqarpoq neriniartarfiup puisineruttorfiani sap. akunneranut ataasiarluni puisip neqaanik sassaallertarnissani eqqarsaatigigaa.
