Canadami ilisimatusarfittaarnialerput

Inuit Tapiriit Kanatami, tassaasoq naggueqatigiit Inuit suliniaqatigiiffiat, issittumi misissuinissamut nutaamik ilisimatusarfittaarnissamut ussassaarusioqqammerpoq.... ilisimatusarfissaq allarujussuaq.
januaarip 24-at 2010 14:15

Naggueqatigiit Inuit Kitaani ilisimatuunik ilisimatusartunillu ullutsinni suleqateqarneq nuna tamakkerlugu maanna sammineqarnialerpoq. Ilisimatusarfissaq Ottawami inissisimasasaq taaguuteqassalluni Inuit Qaujisarvingat, Inuit Viden Centret. Anguniagaq tassaavoq nunani kippasinnerusuni ilisimatusarnerup naggueqatigiinnit Inunnit ilisimaneqarnerulernissaa.

Inuit naggueqatigiillu Inuit ukiuni hornorujulikkaani arlalinni Nunani Killerni ilisimatuunit ilisimatusartunillu malinnaavigineqarsimapput, naggueqatigiinnullu Inunnut tamanna iluaqutaasimavoq", Inuit Tapiriit Kanadami siulittaasuat, Mary Simon, oqarpoq...ilisimatusarnernili periutsit nutarterneqarsinnaapput, Mary Simon nangippoq.

Tusagassiortunik katersortitsinermi Issittoq pillugu Canadami ministeri, Chuck Strahl, oqarpoq, Inuit Qaujisarvingat Canadami naalakkersuisut tamakkiisumik tapersersoraat - taamaaliornikkummi naggueqatigiit Inuit nunanit kujasissuniit ilisimatuut ilisimatusartullu nutaamik suleqatigineqalernissaat ikiorserneqassammat, tamanna qilanaareqaara, Chuck Strahl oqarpoq.

Inuit Tapiriit Kanadami siulittaasoq Mary Simon naggataagut oqarpoq, naggueqatigiit Inuit nunartillu pillugu ilisimatusarfigineqarnissaannut maanna piffissanngortoq.

Inuit Qaujisarvingat, Inuit Viden Centerip, Canadami tamarmi Ilisimatusarfiit assigisaasalu suleqatiginissaat siunertaraa.