Canadami Bandidosit tigusaapput

Canadami inunnik arlalissuarnik sapaatip akunnerata naanerani toqoraanermut atatillugu politiit inunnik tallimanik tigusarinnipput.

Tigusarineqartut tamarmik rockerinut Bandidosinut attuumassuteqartut nutaarsiassaqartitsivik CBC nalunaarpoq.

Angutit toqungasut timaat arfineq-pingasut sapaatip akunnerata naanerani nassaarineqarmata Canadami innuttaasut annilaarrateqaat.

Angutit taakku tamarmik aallaallugit toqunneqarsimapput orpippassuarnilu qimaannarneqarsimallutik.

Toqunneqartut tamarmik rockerinut Bandidosinut attuumassuteqarsimapput, tusagassiorfinnillu amerlanernit taamaammat eqqartorneqalerpoq, rockerit assigiinngitsut akunnerminni imminnut unammillutik sorsuunnersut.

Taama oqallinneq pissutigalugu, rockerit Hells Angells ippassaq saqqummerput, oqarlutik, toqutsineq imminnut attuumassuteqanngilluinnartoq.

Hells Angells canadamiut politiivinit maanna taperserneqarput.

- Hells Angellsit toqutsinermut attuumassuteqarnerannik takussutissaqanngilaq, politiit pisortaasa ilaat oqarpoq.

Tigusarineqartut angutit sisamaapput, arnarlu ataaseq.