Toqoraasoq illut biilillu arlallit aamma ikuallatsissimavai, toqutaasullu tamatuma kingorna amerlillutik. 17-inik ukiulik ikuallatsititsisoqarnerani ajunaartut ilagigaat, Canadami politiit ilisimatitsissutigaat.Assi: Tim Krochak/AFP/Ritzau Scanpix

Canadami aallaasersortoqarnerani inuit toqutaasut amerleqqittut

Angut politiitut atikkersorluni sapaammi unnuakkut aallaasersormat inuit 23-t toqutaapput. Toqutaasut 18-iusut siusinnerusukkut nalunaarutigineqarpoq.

Canadami nunap ilaani Nova Scotiami angut 51-inik ukiulik politiitut atikkersorluni sapaammi aallaasersormat inuit 23-t toqutaapput.

Toqutaasut 18-iusut ataasinngornermi nalunaarutigineqarpoq, taakkuli 23-usut Canadami politiit marlunngormat ilisimatitsissutigisimagaat, Reuters allappoq.

AAMMA ATUARUK Canadami 51-inik ukiulik politiitut atikkersorsimasoq aallaasersortoq

Toqoraasoq politiinit aallaaneqareernermi kingorna toqusimasoq, politiit aamma uppernarsarpaat.

Taassuma illut biilillu arlallit aamma ikuallatsissimavai, toqutaasullu tamatuma kingorna amerlillutik. 17-inik ukiulik ikuallatsititsisoqarnerani ajunaartut ilagigaat, Canadami politiit ilisimatitsissutigaat.

Aallaasersorneq arfininngornermi unnuakkut aallartittoq nalunaaquttap akunneri aqqaneq marluk missaanni sivisussuseqarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat