Canada: Uulia qallorneqartoq Issittoq aqqutigalugu assartorneqarsinnaalluarpoq
Canadami nunap ilaani Albertami uulia qallorneqartoq Issittoq aqqutigalugu umiarsuakkoortinneqartussanngorunarpoq. Albertami naalakkersuisut tamanna pillugu siorna nalunaarusiorsimapput, nalunaarusiarlu maanna aatsaat saqqummersinneqarluni.
Allattoq Mads Lynge
septembarip 07-at 2014 10:40
Albertami uuliaqarluarpoq. Albertali nunap iluaniimmat uulia assartorneqassappat qimuttuitsunik lastbiilinilluunniit assartorneqartariaqassaaq, tamannalu akisoorujussuulluni.
Uulia Canadap issittortaata kitaani Tuttuusartuumit assartorneqarsinnaassasoq, nalunaarusiami saqqummersinneqaqqammersumi atuarneqarsinnaavoq, Tuttuujaartuumulli aqqusinniortoqaqqaartariaqassaaq, Inuvimmit Tuttuujaartuumut ukiut marluk pingasulluunniit qaangiuppata aqqusinniortoqarsinnaassalluni.
Nappartat uuliamik imallit ullormut 100.000-it Canadap issittortaanit tunisassariaqarsinnaanissaat naatsorsuutigineqarpoq, nunallu immikkoortortaata Northwest Territoriesip siuttua Bob McLeod tusagassiuutinut oqarpoq tamanna isumalluarnartoq.
