Canada siulliulluni pisisinnaatitaavoq

Kalaallit Nunaata Danmarkimit pigineqarnera USA-p akueraa, Danmarkilli Kalaallit Nunaat tuninialissagaluaruniuk Canada siullerpaalluni pisisinnaatitaassasoq, Grønlandsministeriusimasoq Tom Høyem avisimut Berlingske Tidendemut allappoq.

- USA-p præsidentiata Wilsonip Caribiami qeqertaaqqat 25 millioni dollarsilerlugit Danmarkimit 1917-imi pisiarimmagit, issittumi ilisimasassarsiortartoq Peary USA-mi oqallinnermik pilersitsingaatsiarpoq, siunnersuutigimmagu, USA-p Kalaallit Nunaat ilanngullugu pisiarissagaa. Tom Høyem allappoq.

Taamani nunanut allanut ministeriusimasoq inuusuttoq Scaveneus sulilluarsimavoq isumaqatigiinniaqqillunilu, taamaalilluni Danmarkip millionerpassuit pissarsiaralugillu USA akuersitimmagu, Kalaallit Nunaat Danmarkimit pigineqartuassasoq.

Isumaqatigiissutini taamani ilanngunneqarpoq, Kalaallit Nunaat tuniniarneqassagaluarpat Canada siullerpaalluni pisisinnaatitaassasoq. Tom Høyem taama allappoq.